2.48 Çka ishte Koncili II i Vatikanit?
Koncili i Dytë i Vatikanit ishte një seri mbledhjesh e ipeshkvijve nga e gjithë bota, që u mbajt mes 1962 dhe 1965.Bashkë me Papën, ata studiuan në mënyrë të veçantë marrëdhënien e Kishës me shoqërinë.Në fund të fundit, qëllimi ishte t’i jepnin një përgjigje zhvillimeve moderne.
Kisha kërkonte gjallërisht mënyra të reja të shpjegimit të vërtetave të fesë botës moderne.E vërteta në vetvete nuk ndryshon, pormënyra si e shprehim [>4.50] është e ndryshme në kohëra të ndryshme.Tema të caktuara flisnin përekonominë, politikën [>4.48] dhe marrëdhënien mes Kishës Katolike dhe kishave të tjera, komunitetet e krishtera dhe besimet.
Në prag të mijëvjeçarit të tretë, Shën Gjon Pali II shkroi: “Unë ndihem më shumë se kurrë në mision për t’iu drejtuar Këshillit si hiri i madh dhënë Kishës në shekullin e XX-të: atje gjejmë një busull të sigurt me anë të së cilës marrim orientimet tona në shekullin që nis tani”. Mendoj se ky është një imazh elokuent. Dokumentet e Koncilit të Dytë të Vatikanit, tek të cilat duhet të kthehemi, duke i çliruar nga një mori botimesh, që në vend që t'i bëjnë të ditura shpesh i kanë fshehur, janë një busull edhe në kohën tonë që lejon Arkën e Kishës të dalë në thellësi në mes të stuhive ose në valë të qeta dhe paqësore, për të lundruar e sigurt dhe për të arritur në pikën e saj. [Papa Benedikti XVI, Auditori i përgjithshëm, 10 tetor 2012]
